Аргентина терма жамоаси бош мураббийи Лионель Скалони Лионель Мессининг ҳолати ҳақида гапирди.

37 ёшли футболчи Венесуэла (11 октябрь) ва Боливия (16 октябрь) терма жамоалари билан ўйнайдиган Аргентина терма жамоаси жойлашган жойга етиб келди. Юлдузли форвард жароҳати сабаб сентябрдаги йиғинни ўтказиб юборган эди.

"Месси яхши ҳолатда. У бизга қўшилишдан олдин ўз клубида бир неча ўйин ўтказди, бу унинг жисмоний ҳолатини яхшилаш учун айни муддао эди.

Олдинги йиғиндан бироз олдин биз у билан ўйнамаслиги ҳақида келишиб олгандик, чунки у ҳали "Интер Майами"да машғулот ўтказмаган эди. Ҳозир у ажойиб жисмоний ҳолатда ва бўлажак ўйинларда жамоанинг бир қисми бўлади", - дея Скалони сўзларини келтиради Inter Miami News Hub.