"Истиқлол" клуби дарвозабони Меҳди Раҳматий миллий терма жамоадаги фаолиятини якунлагани учун мухлислардан узр сўради.

У кўпчиликни ҳайрон қолдириб, январь ойида терма жамоадаги фаолиятини якунлаганини эълон қилди. Шундан сўнг Эрон бош мураббийи Карлос Кейруш терма жамоага Раҳмон Аҳмадий ва Даниель Даварийни таклиф қила бошлади.

Эрон телевидениеси орқали берган интервьюсида Раҳматий қуйидагиларни айтиб ўтди:

"Кейруш "Манчестер Юнайтед"да сэр Алекс Фергюсоннинг ёрдамчиси, "Реал" Мадридда эса бош мураббий сифатида ишлаган. Сўнгги икки йил давомида мен португалиялик мутахассисдан кўп нарса ўргандим. Мен уни Эронда фаолият олиб борган энг яхши мураббий деб ҳисоблайман.

Мен Эрон миллий терма жамоасига қайтмоқчи эдим, аммо менинг қароримни муҳокама қилишни тўхтатиш керак. Ҳозир эса Эрон терма жамоасини қўллаб-қувватлаш керак", дейди дарвозабон.