Англия терма жамоаси вақтинчалик бош мураббийи Ли Карсли вингер Букайо Саканинг ҳолати ҳақида маълумот берди.
"Арсенал"нинг 23 ёшли футболчиси пайшанба куни Грецияга қарши Миллатлар лигаси ўйинининг 52-дақиқасида алмаштирилишга мажбур бўлди.
"Унинг аҳволига баҳо берилади. Греция терма жамоасининг биринчи голидан олдин кўриниб турганидек, у оёғида нимадир сезди", - дея Карслининг жавобидан иқтибос келтиради журналист Фабрицио Романо.
Инглизлар "Уэмбли"да Грециядан 94-дақиқада гол ўтказиб юборди ва мағлуб бўлди (1:2).
