Англия футбол ассоциацияси (FA) «Ноттингем Форест» клубини жамоанинг расмий ижтимоий тармоқларида ҳакамлар ишини танқид қилувчи хабарларни чоп этгани учун 750 минг фунт стерлинг миқдорида жаримага тортишга қарор қилди.
2024 йилнинг апрелида ўтган мавсумда АПЛнинг 34-тури доирасида «Ноттингем» сафарда «Эвертон»га ютқазиб қўйди (0:2). Учрашувни Энтони Тэйлор бошчилигидаги ҳакамлар бригадаси бошқариб борди. Ўйиндан сўнг «Ноттингем» ижтимоий тармоқларда баёнот эълон қилди, унда улар ҳакамларни учта пенальти белгиламаганликда, ВАР ҳакамини эса турнир жадвалидаги позицияси бўйича клубнинг бевосита рақибига хайриҳоҳликда айблади.
