Angliya futbol assosiasiyasi (FA) «Nottingem Forest» klubini jamoaning rasmiy ijtimoiy tarmoqlarida hakamlar ishini tanqid qiluvchi xabarlarni chop etgani uchun 750 ming funt sterling miqdorida jarimaga tortishga qaror qildi.
2024 yilning aprelida o‘tgan mavsumda APLning 34-turi doirasida «Nottingem» safarda «Everton»ga yutqazib qo‘ydi (0:2). Uchrashuvni Entoni Teylor boshchiligidagi hakamlar brigadasi boshqarib bordi. O‘yindan so‘ng «Nottingem» ijtimoiy tarmoqlarda bayonot e’lon qildi, unda ular hakamlarni uchta penalti belgilamaganlikda, VAR hakamini esa turnir jadvalidagi pozisiyasi bo‘yicha klubning bevosita raqibiga xayrihohlikda aybladi.
