Германиянинг иккинчи дивизионида ҳаракат қилаётган «Шальке» машҳур ҳимоячи Жоэль Матипни ўз сафига қайтаришни режалаштирмоқда. Камерунлик футболчи «Ливерпуль»дан кетганидан кейин ҳамон эркин агент бўлиб қолмоқда.
«Матип «Ливерпуль» билан шартномаси тугаганидан сўнг Гельзенкирхен клуби билан доимий алоқада. Матип ўз оиласи билан вақт ўтказмоқчи бўлгани учун бу трансфер ёзда амалга ошмади», - деб ёзади "Sport Bild".
Матип 33 ёшда, у фаолиятининг сўнгги саккиз йилини «Ливерпуль»да ўтказди ва бир нечта муҳим совринларни қўлга киритди. У «Шальке» тарбияланувчиси бўлиб, 2009 йилдан 2016 йилгача клубда ўйнаган.
