"Манчестер Сити" "Порту"нинг 25 ёшли дарвозабони Диогу Кошта учун курашда "Барселона" билан рақобатлашади. Бу ҳақда Sport.es хабар бермоқда.
Манбага кўра, "шаҳарликлар" Коштани жамоани тарк этишга яқин турган ҳозирги дарвозабон Эдерсоннинг ўрнида кўрмоқда. Португалия клуби Коштани 75 миллион еврога баҳоламоқда, аммо инглиз гранди 40 миллион евро таклиф қилишга тайёр.
Олдинроқ ОАВда "Барселона" 25 ёшли дарвозабонни 32 ёшли Марк-Андре тер Штегеннинг ўрнига узоқ муддатга ўринбосар сифатида кўраётгани ҳақида маълумотлар пайдо бўлганди.
Жорий мавсумда Кошта барча турнирларда 11та ўйинда иштирок этди, шундан бештасида ўз дарвозаси дахлсизлигини сақлаб қолди.
