Дортмунднинг "Боруссия" клуби ва Германия терма жамоасининг собиқ футболчиси Кевин Гросскройц Юрген Клоппнинг "Ред Булл" тизимидаги ўринни эгаллаш қароридан хафа бўлди.
Бир неча кун аввал маълум бўлганидек, "Ливерпул"нинг собиқ устози янги йилдан бошлаб "Ред Булл" тизимидаги клубларда футбол операциялари бўлимига раҳбарлик қилади.
"Тўғрисини айтсам, футбол ишқибози сифатида, буни жуда ёмон деб ўйлайман. Бироқ, мен дўст сифатида Клоппнинг танловини қабул қилишим керак.
Учрашганимизда ҳам, бу ҳақдаги фикримни шахсан айтиб бераман", - дея «Боруссия»да Юрген Клопп қўл остида ўйнаган Гросскройцнинг сўзларини келтиради Football Talk.
