Аргентина терма жамоаси ва Мадриднинг "Атлетико" клубининг марказий ярим ҳимоячиси Родриго де Пауль клубини ўзгартириши мумкин. Бу ҳақда Todofichajes портали саҳифаларида хабар берилди.
Манбага кўра, ярим ҳимоячининг хизматларига "Манчестер Юнайтед" қизиқиш билдирмоқда. Ярим ҳимоячининг бозор нархи 30 миллион еврога баҳоланмоқда. 30 ёшли аргентиналик футболчининг меҳнат шартномаси 2026 йилнинг ёзига қадар мўлжалланган. У 2021 йилдан буён "матрасчилар"да ўйнаб келмоқда.
Испания чемпионатининг жорий мавсумида де Поль саккизта учрашувда иштирок этди. У голли узатмани амалга оширди ва сариқ карточка олди.
