Франция терма жамоаси бош мураббийи Дидье Дешам жароҳатидан фориғ бўлиш истаги туфайли октябрь ойида терма жамоага бормаган Килиан Мбаппе билан боғлиқ вазият ҳақида қандай фикрда деган саволга жавоб берди.
"Мбаппенинг тунги клубга бориши? Мен жамоада бўлмаган футболчилар ҳақидаги янгиликларни кузатмайман. Килиан "Реал Мадрид" бошчилигидаги реабилитация дастурида иштирок этмоқда. У ўйин давомида клубда борми ёки йўқми, билмайман.
Айтишим мумкинки, Килиан менга Исроил билан ўйин олдидан хабар юборди. Ҳар қандай футболчи сингари у ҳам жадвалга амал қилади. Агар футболчининг дам олиш куни бўлса, демак, у хоҳлаган нарсани қилиш эркинлигига эга", - деди Дешам.
