Англия премьер-лигасининг собиқ футболчиси зўрлашда гумонланиб ҳибсга олинди.
Тахмин қилинган воқеа Лондон меҳмонхоналаридан бирида юз берган, деб ёзади The Sun.
Ёш аёлнинг айтишича, у футболчи билан барда учрашгандан сўнг меҳмонхонага кетган. У ерда спортчи унга ҳужум қилиб, зўрлаган.
Ҳуқуқий сабабларга кўра футболчининг исми ошкор этилмаган. Фақатгина спортчи 24 ёшда эканлиги маълум.
Футболчи ҳибсга олинган ва адвокат иштирокида сўроқ қилинган. Шу билан бирга, ДНК намунаси, бармоқ излари ва бошқалар тўпланган.
Футболчи гаров эвазига қўйиб юборилди, тергов давом этади. Тахминларга кўра, спортчи зўрлаш версиясини рад этади.
