«Барселона» 17 ёшли ҳужумчи Ламин Ямалнинг жароҳатини минималлаштириш стратегиясини ишлаб чиқди. Бу ҳақда "Sport.es" хабар бермоқда.

Манбага кўра, клуб 17 ёшли футболчини ортиқча юкламаслик учун Ямалнинг ўйин вақтини камайтиришга қарор қилган. Қайд этилишича, «Барселона» шифокорлари ва мураббийлар штаби Ямалнинг ўйин вақтини шундай тартибга соладики, у юқори даражадаги ўйинларга жисмоний чарчоқсиз ва ортиқча юк жароҳатлари хавфисиз яқинлашади.

Ямал жорий мавсумда клуб сафида барча турнирларда 11 та ўйин ўтказиб, 5 та гол ва 5 та голли узатмани амалга оширди.