Аббосбек Файзуллаэв Ўзбекистон миллий терма жамоаси сафида жароҳат олгани ҳақида аввалроқ хабар берган эдик. Бу ҳақда Ўзбекистон терма жамоаси менежери Шерзод Игамбередиев фикр билдирди.
"Машғулотлар пайтида Аббос тўқнашувга учради ва оёғидан жароҳат олди. Аввалига шифокорлар жуда қўрқиб кетишди ва суяк синган деб ўйлашди. Якунда ҳеч қандай жиддий нарса йўқ экан, оддий кўкариш", - дея Игамбередиевдан иқтибос келтиради Sport24.
Терма жамоамиз вакилининг сўзларига кўра, Файзуллаевнинг навбатдаги БААга қарши ўйинда иштирок этиши эҳтимоли 95 фоиз.
