Мюнхеннинг «Бавария» клуби раҳбарияти уч нафар футболчи билан шартномаларини узайтириш борасида музокаралар олиб бормоқда.

Журналист Флориан Плеттенбергнинг сўзларига кўра, матбуотдаги сукунатга қарамай, Лерой Сане билан шартномани узайтириш ҳамон мумкин. Манбага кўра, «Бавария» асосий кучини Мусиала ва Киммихни сақлаб қолишга қаратган, бироқ ҳеч ким Санени йўқотишни режалаштирмаяпти.

Немис футболчисининг ўзи қишки трансфер ойнасида бошқа клублар билан музокара олиб бормайди, гарчи унинг «Бавария» билан шартномаси мавсум охирида якунига етса ҳам, дейди манба. Таъкидланишича, Саненинг устувор вазифаси ҳозирги клубида қолиш.