Туриннинг "Ювентус" клуби ярим ҳимоячиси, допинг истеъмол қилгани учун дисквалификацион жазони ўтаётган Поль Погба Франция Лига 1 клубига ўтиш имкониятларини баҳолади.
"Менинг клубим бор, мен фақат қайтиш ва бу вазиятдан чиқиш ҳақида ўйлайман. Аммо эртага нима бўлишини ҳеч қачон билмайсиз, шунинг учун ҳеч қачон ҳеч қачон деманг", - дея Погбанинг сўзларини келтиради L'Equipe.
Ўтган йилнинг август ойида франциялик ярим ҳимоячи допинг-тестдан ижобий ўтган эди. 29 феврал куни антидопинг суди футболчини 4 йилга дисквалификация қилиш қарорини тасдиқлади.
Суд Погбани дисквалификация қилиш тўғрисида қарор қабул қилганидан сўнг, у апелляция берди. 7 октябрь куни Спорт арбитраж суди франциялик ярим ҳимоячининг дисквалификация муддатини 18 ойга қисқартирганини эълон қилди. Шу тариқа, у 2025 йилнинг март ойида расмий ўйинларга қайтиши мумкин бўлади.
