Душанба куни Европа футбол клублари ва FIFPro раҳбарлари бирлашиб, ФИФА раҳбарияти устидан монополияга қарши органга шикоят қилишди. Бу ҳақда ESPN хабар бермоқда.
Манбага кўра, FIFPro ва Европанинг 37 лигаси биргаликда Брюсселдаги Еврокомиссияга шикоят аризаси билан мурожаат қилган, унда улар жаҳон футболининг бошқарув органи ФИФА турнир ташкилотчиси сифатида ўз ваколатларини суиистеъмол қилаётгани ва футболчиларнинг фаровонлиги ҳақида қайғурмаслигини даъво қилган.
Бу иш меҳнат қонунлари ва футболчиларнинг дам олиш ҳуқуқига тегишли. Уларнинг мақсадларидан бири ўйинчиларни соғломлаштириш учун мажбурий дам олиш даврини йилига 3-4 ҳафтани белгилашдир.
