Аргентина терма жамоаси бош мураббийи Лионель Скалонининг таъкидлашича, "Интер" сардори Лаутаро Мартинес бу йил "Олтин тўп"ни қўлга киритиш учун асосий номзод бўлиши керак.
"У Америка кубоги финалида ғалаба голини урди ва турнирнинг энг яхши тўпурари бўлди. У бошқалардан кўра кўпроқ бу совринга лойиқдир.
Мен уни жуда қадрлайман. Умид қиламанки, у ғалаба қозонади. У биринчи кундан бошлаб биз билан қаттиқ меҳнат қилмоқда.
Агар у "Олтин тўп"да бу йил ғалаба қозонмаса, бу келажакда албатта, содир бўлади", – деди мураббий.
