"Манчестер Юнайтед" ҳали Кристиан Эриксеннинг келажаги борасида бир қарорга келмаган.
Данияликнинг шартномаси мавсум якунланганидан кейин тугайди. Миш-мишлар 32 ёшли футболчининг Амстердамнинг "Аякс"га қайтиши ҳақида сўзламоқда, аммо вазият ноаниқлигича қолмоқда. Mail Sport хабарига кўра, "қизил иблислар" раҳбарияти ҳали тажрибали ярим ҳимоячи билан ҳамкорликни давом эттириш ёки қилмаслик тўғрисида бир қарорга келмаган. Шу билан бирга, клуб мутлақо хотиржам ва якуний танловга шошилмайди.
Кристиан Эриксен ушбу мавсумда саккизта ўйинда учта гол урди ва учта голли узатмани амалга оширди.
