Польша терма жамоаси бош мураббийи Михал Пробеж нега Роберт Левандовскини асосий таркибга киритмаслик қарорига изоҳ берди.

Польша терма жамоасининг 36 ёшли етакчиси Хорватия билан Миллатлар лигаси ўйинини захира ўриндиғида бошлади. "Барселона" форварди 62-дақиқада захирадан майдонга тушган бўлса, 68-дақиқада голли узатмани амалга ошириб, польшаликларнинг мағлубиятдан қутулиб қолишига ёрдам берди (3:3).

"Унинг кичик жароҳати бор эди, биз таваккал қилишни хоҳламадик. Муаммо унчалик жиддий эмас эди, лекин биз ўйин давом этар экан, уни майдонга туширишга қарор қилдик. У майдонга тушганидан сўнг ажойиб ўйин кўрсатди", деди Пробеж ўйиндан кейинги интервьюсида.