37 ёшли ҳужумчи Лионель Месси терма жамоалар тарихидаги энг яхши тўпурарлар рейтингида иккинчи ўринга кўтарилиб олди. Боливия терма жамоаси билан Жанубий Америка ЖЧ-2026 саралаш турнирининг 10-тури доирасидаги уй учрашувида Месси хет-трик қайд этди ва иккита голли узатма ҳам амалга оширди.

Бу хет-трик Мессига нафақадаги эронлик Али Даи тўпурарлар рўйхатидан ажралиб чиқишга имкон берди, у аввал у билан иккинчи ўринни бўлишиб турган эди, иккала ҳужумчи ҳам ўз терма жамоаси сафида 109 та гол урган. Ҳозирда Лионель Аргентина терма жамоасидаги голларини 112 тага етказиб олди.

Рейтинг пешқадами Португалия терма жамоасининг 39 ёшли ҳужумчиси Криштиану Роналду бўлиб қолмоқда, у 216 учрашувда 133 та гол урган.