Аргентиналик ярим ҳимоячи, ҳозирда «Ливерпуль» футболчиси Алексис Макаллистер Россия Премьер-лигасига ўтиши мумкин эди.
Хабарларга кўра, ярим ҳимоячининг хизматларига Москванинг «Спартак» клуби қизиқиш билдирган. «Қизил-оқлар» футболчини 2021 йилнинг январида сотиб олишга яқин эди. Россия клуби «Брайтон» билан музокара олиб борди, бироқ келишув амалга ошмади.
Эслатиб ўтамиз, 2023 йилнинг ёзида Макаллистер «Ливерпуль» сафига жаҳон чемпиони сифатида қўшилганди. Алексис мерсисайдликлар жамоаси билан 2028 йилгача мўлжалланган узоқ муддатли меҳнат шартномасини имзолади.
