Германиялик афсонавий собиқ футболчи Карл-Хайнц Румменигге Харри Кейн ҳақидаги саволга жавоб берди.
Хабарингиз бор, инглиз форварди ҳали бирор марта кубогк қўлга киритмаган. Ўтган мавсум - футболчининг Германиядаги дебютида - "Бавария" 12 йил ичида биринчи марта унвонсиз қолди.
"Умид қиламанки, Харри бу мавсумда соврин ютади, акс ҳолда у тез орада асабийлаша бошлайди. Кейн - ажойиб йигит, у "Бавария"га яхши мослашиб олди, мухлислар уни бу ерда яхши кўришади. У доимо гол уради, ажойиб ўйин кўрсатади ва биз унинг клубимизда ўйнаётганидан хурсандмиз", - дея "Бавария" директорлар кенгашида ишлаётган Румменигге сўзларини келтиради Bayern & Germany.
