"Бавария" бошқарув кенгаши аъзоси Карл-Хайнц Румменигге еврокубоклар форматидаги ўзгаришларни қўллаб-қувватлади.
Машҳур собиқ футболчининг фикрича, жорий кампания бошида кучга кирган янгиланган регламент интрига қўшмоқда.
"Олдинги гуруҳ босқичи зерикарли эди – ҳаммаси тўртинчи турдан кейин ҳал бўларди. Энди жуда яхши жамоалар ҳам плей-офф босқичига чиқишлари қийинроқ бўлади. Вазифа қанчалик қийин бўлса, ҳиссиётлар шунчалик кўп. Ишончим комилки, вақт ўтиши билан мухлислар янги форматни қадрлашади", - деди Румменигге Kicker нашрига берган интервьюсида.
23 октябрь куни "Бавария" Чемпионлар лигаси умумий босқичи 3-тур учрашувида "Барселона" меҳмони бўлади.
