Каталониянинг "Барселона" клуби майдон марказини Испания терма жамоаси ва "Вильярреал" ярим ҳимоячиси Алекс Баэна билан кучайтириши мумкин. Бу ҳақда AS журналистлари хабар бермоқда.
Манбага кўра, "кўк-анорранглилар" раҳбарияти футболчининг 60 миллион еврога тенг бўлган бандини тўлаши мумкин. Алекс "Вильярреал" тарбияланувчиси. Ярим ҳимоячининг "сариқ сув ости кемаси" билан шартномаси 2028 йилнинг ўрталарига қадар тузилган.
Испания чемпионатининг жорий мавсумида Баэна "Вильярреал"нинг саккизта учрашувида иштирок этди. Ярим ҳимоячи битта гол ва бешта голли узатмани амалга оширди.
