"Комо" футболчиси Николас Пас топ-клублар вакилларининг эътиборини тортди.
Аргентиналик футболчи ўтган ёзда "Реал"дан Италия клубига ўтган эди. "Комо"да ёш футболчи дарҳол ўзини кўрсата бошлади ва шанба кунги "Парма"га қарши ўйинда у А Серияда дебют голини уришга муваффақ бўлди.
Журналист Николо Скиранинг сўзларига кўра, Паснинг ўйинларини "Милан", "Ювентус", "Наполи" ва "Арсенал" скаутлари кузатиб боришмоқда. Бироқ 20 ёшли ярим ҳимоячи билан шартнома имзолаш осон бўлмайди, чунки "Реал"да аввало ўз тарбияланувчисини қайтариб олиш имконияти бор.
Николас Пас А Сериянинг еттита учрашувида нафақат битта гол урди, балки учта голли узатмани ҳам амалга оширди.
