«Вулверхэмптон» устидан қозонилган ғалаба (2:1) эвазига «Манчестер Сити» АПЛда мағлубиятсиз ўтказилган ўйинлар сони бўйича клуб рекордини ўрнатди.
Пеп Гвардиола шогирдлари Англия чемпионатидаги кетма-кет 31-учрашувида мағлубиятсиз ўйнашди.
«Сити» сўнгги бор ўтган йилнинг 6 декабрида Премьер-лигада «Астон Вилла» билан 0:1 ҳисобида мағлуб бўлганди.
Аввалги рекорд 30 та ўйин бўлган. У 2017 йилнинг апрелидан 2018 йилнинг январигача ўрнатилган. Ўшанда ҳам жамоани Гвардиола бошқарган.
АПЛ тарихидаги энг узоқ мағлубиятсиз серия «Арсенал»га тегишли - 49 та ўйин.
