"Манчестер Сити" бош мураббийи Пеп Гвардиола нега инглиз клубида узоқ вақт ишлаб келаётгани ҳақидаги саволга жавоб берди.

"Мен ишга келишни яхши кўраман, буни яхши кўраман! Мураббий бўлишимнинг асосий сабаби ҳам шу. Буни ҳис қилмасам, нафақат "Манчестер Сити"ни тарк этаман, балки мураббийликни бутунлай тўхтатаман. Менга кейинги ўйин ҳақида ўйлаш, бу ҳақда ўйинчилар билан гаплашиш, видеони кўрсатиш ёқади", — деди Гвардиола Sky Sports билан суҳбатда.

Эслатиб ўтамиз, Пеп Гвардиоланинг "Манчестер Сити" билан шартномаси 2025 йилнинг ёзига қадар амал қилади. Мутахассис 2016 йилнинг ёзида инглизлар жамоасини бошқарганди. Гвардиола бошчилигида “шаҳарликлар” тарихда илк бор Чемпионлар лигасида ғолиб чиқди. 2022/2023 йилги мавсумда "Манчестер Сити" треблни қўлга киритишга муваффақ бўлди. Испаниялик мураббий бошқарувида "шаҳарликлар" олти марта Англия чемпионлигини қўлга киритди.