"Ливерпуль" бир вақтнинг ўзида "Реал"нинг икки футболчисига қизиқиш билдирмоқда. Бу ҳақда Todofichajes портали саҳифаларида хабар берилди.
Манбанинг ёзишича, "мерсисайдликлар" франциялик ярим ҳимоячи Аурелиен Тчуамени ва бразилиялик ҳужумчи Родригони мақсад қилган. Ҳужумчи келаси ёзда жамоасини ўзгартириши мумкин бўлган мисрлик Муҳаммад Салоҳга муқобил сифатида кўрилмоқда.
Родригонинг "Лос Бланкос" билан 2028 йилнинг ўрталарига қадар меҳнат мажбуриятлари бор. Унинг нархи 110 миллион еврони ташкил қилади. Аурелиеннинг шартномаси ҳам 2028 йилда тугайди, французнинг нархи 100 млн.
