"Ливерпуль" ҳужумчиси Диого Жота келаси чоршанба куни бўлиб ўтадиган "Лейпциг"га қарши Чемпионлар Лигаси ўйинини ўтказиб юбориши мумкин.
Жота "Ливерпул"нинг Премьер-лига мавсумидаги саккизта ўйинидан еттитасини, шу жумладан якшанба куни "Челси"га қарши ўйинни асосий таркибда бошлади.
Бироқ "Ливерпул"нинг "Челси"га қарши (2:1) ғалаба қозонган бу ўйини Жота учун 30-дақиқада якунланди. 27 ёшли португалиялик футболчи Дарвин Нуньесга ўз ўрнини бўшатиб берди.
Жотанинг Тосин Адарабиойо билан тўқнашуви ўз изини қолдирган кўринади ва "Ливерпуль" бош мураббийи Арне Слот жамоасининг бир мунча вақт Диогосиз қолиши кутилмоқда.
"Диого алмаштирилиши керак эди. Бу нима эканлигини билмайман, лекин у чоршанба куни ўйнай олса, ҳайрон қоламан", - деди Слотт Sky Sports билан суҳбатда.
