“Аталанта” Чемпионлар лигаси гуруҳ босқичининг 3-турида “Селтик” ҳимоясини ёриб ўта олмади, учрашув 0:0 ҳисобидаги дуранг билан якунланди.
"Селтик" бош мураббийи Брендан Рожерс учрашув натижаларидан қониқиш ҳосил қилганини яширмади - унинг сўзларига кўра, у шу натижага умид қилган.
"Биз 7 та гол ўтказиб юборилган "Боруссия"га қарши баҳсдан яхши сабоқ олдик. Жамоага ҳеч қандай ҳолатда ўша вазиятларни такрорламаслигимиз кераклигини айтдим.
Италия футболидаги энг ҳужумкор жамоага қарши баҳс олиб бордик. Биз дарвозани дахлсиз сақлаб қола олдик", - дея Рожерснинг сўзларини келтиради calcioatalanta.it.
