Суперлигада 22-тур баҳслари старт олди. "Сурхон" жамоаси бу тур ўз майдонида "Локомотив"ни қабул қилди ва 2:1 ҳисобида ғалаба қозонди. Беллашувдан сўнг жамоа бош мураббийи Февзи Давлетов матбуот анжуманида иштирок этди.
Учрашувни умумий қилиб икки бўлимга ажратиш мумкин. Илк 45 дақиқаликда бироз ёмон ўйин кўрсатдик. Йигитларнинг ҳаракати бизни ҳавотирга солди. Қаршидаги баҳсда бўлган агрессия кўринмади. Танаффусда улар билан гаплашиб олдик ва вазиятни ўзгартирдик. Баъзан ёмон ўйнаб ҳам ғалаба қозониш мумкин. Барчани ғалаба билан табриклайман. Таҳлил қилишимиз керак бўлган нарсалар кўп.
