Бирлашган Араб Амирликларининг Абу-Даби шаҳрида ўтказилган UFC 308 мусобақасининг иккинчи асосий жанги Ҳамзат Чимаев ва Роберт Уиттакер ўртасида кечди.
5 раунд этиб белгиланган жанг илк раунддаёқ якунланди. Ҳамзат Чимаев рақибини бўғиш усули орқали таслим этди.
Жангдан сўнг Ҳамзат кейинги рақиблари борасида хавотир олмаётгани ҳақида айтиб ўтди:
"UFC Шон Стрикленд ва Дрикус дю Плесси ўртасида жангни ташкиллаштирадими? Менга фарқи йўқ, кутиб тураман. Шон, Дрикус ёки Адесаня, кейинги рақибим ким бўлиши аҳамиятсиз. Мен пул ва камар учун жанг қиламан", — дейди Чимаев.
Ҳамзат 2018 йилда профессионал тарзда жангларга қатнашишни бошлаган ва Уиттакерга қарши жангда 14-ғалабасини нишонади.
