Кеча Абу-Дабидаги турнирда австралиялик собиқ чемпион Роберт Уиттакерни биринчи раунднинг ўзида мағлуб этган Хамзат Чимаев режалари билан ўртоқлашди.
Чеченистонлик аралаш яккакураш устаси навбатдаги рақиблари сифатида кимларни кўраётганини маълум қилди.
"Мен исталган рақибимни тейкдаунга тушириб мағлуб эта оламан. Бу жангим учун режам ҳам аслида шундай эди.
Жангдан кейинги матбуот анжуманида Роберт жағини қандай ҳолатга келиб қолганини кўрсатди. Мен бундай қилишни истамагандим.
Лекин начора, ишимиз шундай. Шу йўл билан оила боқамиз. Эндиги режаларимга тўхталадиган бўлсам, ўрта вазнда амалдаги UFC чемпиони Дрикус Дю Плесси билан жанг қилишга тайёрман. Шунингдек, вазннинг собиқ чемпионлари Шон Стрикленд ва Исраэль Адесанья билан ҳам тўқнаш келиш истагидаман.
Кейингиси ким бўлишининг аҳамияти ҳам йўқ. Мен камар учун овга чиққан овчиман", - деди Борз.
