Эрик тен Хаг "Вест Хем" фойдасига (1:2) пенальти белгиланишидан норози.
"Жорий мавсумда биз уч марта адолатсизликка дуч келдик. Биз гол уришимиз керак, биз кўп вазиятлар яратдик. 2:0 ёки 3:0 ҳисобида олдинда боришимиз керак эди. 0:1 ҳисобида мағлуб бўлаётганингда, ўйинга қайтиш учун кучли характер керак ва жамоа буни кўрсатди. Лекин пеналтидан ўтказиб юборганимиз ноҳақ ва инсофсизлик.
Ўша пайтда бирор нарсани кўриш жуда қийин эди. Мавсум олдидан кўрсатма бор эди, ВАР фақат аниқ хатоларга аралашиши керак.
Мен ҳакамлар билан гаплашдим, лекин қарор аллақачон қабул қилинган, ортга қайтиш йўқ, бу футбол. Бу мавсумда учинчи марта адолатсизликни ҳис қиляпман ва бу жамоамиз, натижаларимизга, шунингдек, жадвалдаги ўрнимизга катта таъсир кўрсатмоқда. Бу нотўғри", - деди “Манчестер Юнайтед” бош мураббийи.
