Букайо Сака "Ливерпуль"га қарши ўйинда "Арсенал" рекордини ўрнатди.
Қанот вингери АПЛ 9-тур учрашувининг 9-дақиқасида Бен Уайтнинг узатмасидан унумли фойдаланиб, гол урди.
23 ёшу 52 кунлигида инглиз футболчиси Премьер-лигада 50 та голда иштирок этган энг ёш "канонирлар" футболчисига айланди. У бу кўрсаткичга 24 ёшу 128 кунда эришган Тьерри Анридан олдинга чиқиб олди. Шу билан бирга, Сака 178 та, француз форварди эса 83 та ўйин ўтказди.
Умуман олганда, "Арсенал" тарихида атиги 11 нафар футболчи АПЛда 50 та голда иштирок этишга муваффақ бўлган. Пьер-Эмерик Обамеянг буни энг тез бажарди - 79 ўйинда.
