Мюнхеннинг “Бавария” клуби футболчиси Лерой Сане Бундеслигадаги узоқ кутилган голини урди. Якшанба куни мюнхенликлар Германия чемпионатининг 8-тури доирасидаги ўйинда “Бохум”ни мағлуб этишди – 5:0.
Венсан Компани жамоасининг тўртинчи гол муаллифи 65-дақиқада гол урган Сане бўлди. Эътиборлиси, 28 ёшли футболчи учун бу Бундеслигадаги бир йил ичида илк гол бўлди.
Немиснинг олдинги аниқ зарбаси 2023 йил 28 октябрь санасига тўғри келганди.
Ўшандан бери "Бохум" билан ўйингача Лерой Сане икки марта гол урган, ҳар икки марта ҳам бу Чемпионлар лигасида ("Реал Мадрид" ва "Динамо Загреб" билан ўйинларда) содир бўлган.
