«Рома» ҳужумчиси Эрик Ламела Англиянинг «Манчестер Сити» жамоаси эътиборига тушди.
Фоотбалл Италианинг хабар қилишича, «шаҳарликлар» «Рома»нинг Италия чемпионати соирасидаги «Милан»га қарши ўйинда Ламелани кузатишларини маълум қилишган.
Манбада айтилишича, агар «Сити» футболчининг ўйнидан қониқса, Ламела учун 30 миллион евро тўлашга тайёр.
Лекин Рома футболчини сотмоқчи эмас ва у билан шартномани узайтирмоқчи.
Эслатиб ўтамиз, Ламела икки йил муқаддам «Ривер Плейт»дан «бўрилар» таркибига келиб қўшилган эди. Бу трансфер «Рома»га 17 миллион еврога тушган эди.
Шу вақтга қадар Ламела Италия чемпионатида 31 учрашувда майдонга тушган ва 15 голга муаллифлик қилган. Яна уч марта шерикларининг гол уришларига кўмаклашган.
Эслатиб ўтамиз, «Рома» ҳамда «Милан» жамоалари ўртасидаги учрашув 0:0 ҳисобида ўз ниҳоясига етди.