"Манчестер Сити" бош мураббийи Пеп Гвардиола Лига кубоги доирасида "Тоттенхэм"га қарши ўйинда академия футболчиларидан фойдаланмоқчи.
Ўтган шанба куни "Манчестер Сити" "Саутгемптон"ни Эрлинг Холанднинг голи эвазига 1:0 ҳисобида мағлубиятга учратди. "Манчестер Сити" бу ўйинда жароҳат олган Родри, Оскар Бобб, Кевин Де Брюйне, Кайл Уокер, Жек Грилиш ва Жереми Докусиз ўйнади.
Чоршанба куни "шаҳарликлар" Англия кубогининг 1/8 финалида ўйнайди ва Гвардиола бутунлай соғлом бўлмаган футболчиларни хавф остига қўймоқчи эмас.
"Бизда ўйинчиларнинг танлови жуда ва жуда чекланган. Мен "Тоттенхэм" ҳақида ўйлайман. Академиядаги баъзи ўйинчилардан фойдаланишим мумкин. Кўрамиз.
Агар футболчилар яхши бўлса, улар "Тоттенхэм"га қарши ўйнашади, аммо шубҳа туғилса, мен уларни таваккал қилмайман", - деди Гвардиола Evening Standard билан суҳбатда.
