"Манчестер Сити" ҳужумчиси Эрлинг Холанд "Олтин тўп"ни топшириш маросимида қатнашмади.
Футболчи Швецияга йўл олди ва у ерда "Мальмё" таркибида мамлакат чемпионига айланган болаликдаги дўстини қўллаб-қувватлади.
Бу ҳақда "шаҳарликлар" бош мураббийи Хосеп Гвардиола ўз фикрларини билдириб ўтди.
"Холанд ва унинг қиз дўсти Изабел ота-она бўлиш арафасида ва бизда бир неча кун дам олиш имконияти бор.
Эрлинг ўтган мавсумда маросимга борди. Баъзида кетасан, баъзида йўқ. У ўзи хоҳлаган нарсани қилишда эркиндир.
Бунинг сабабларини тушунтиришга ҳожат йўқ. Бу умуман муаммо эмас. Холанд Родри учун жуда хурсанд бўлади, менда бунга шубҳа йўқ", - деди Гвардиола матбуот анжуманида.
