Украиналик дарвозабон Андрей Лунин январь ойидаги трансфер ойнасида "Реал" билан хайрлашиши мумкин, бу ҳақда Todofichajes портали саҳифаларида хабар берилган.

Манбанинг хабарига кўра, 25 ёшли дарвозабон ўзига янги клуб изламоқда. Бунга Франциянинг "Лилль" клуби дарвозабони Лука Шевальенинг "қаймоқранглилар" лагерига ўтиши мумкинлиги ҳақидаги миш-мишлар сабаб бўлмоқда.

Лунин 2018 йилдан бери "Реал Мадрид" футболчиси. Украиналик футболчининг испан гранди билан амалдаги шартномаси 2030 йилнинг ёзида якунига етади. Футболчининг трансфер қиймати 25 миллион евро.