"Милан" ярим ҳимоячи Тижани Рейндерс билан янги шартнома имзолаш устида иш бошлади.
Нидерландиялик футболчи жорий мавсумда “россонерилар”нинг асосий ўйинчиларидан бирига айланди. TBR Football хабарига кўра, "Милан" ярим ҳимоячига қизиқиш ортиб бораётганидан хабардор, шу боис у билан шартномани узайтириш ниятида.
Қайд этилишича, Рейндерснинг муваффақияти «Манчестер Сити» томонидан кузатилмоқда. "Шаҳарликлар" вакиллари 26 ёшли футболчининг жорий мавсумдаги ўйинларидан ҳайратда.
Футболчи мавсум бошидан буён Пауло Фонсека жамоаси сафида 11 та ўйинда майдонга тушиб, иккита гол урди ва шунча голли узатмани амалга оширди.
