Сешанба куни «Спортинг» расмий мурожаат эълон қилди. Лиссабон клуби хабарида «Манчестер Юнайтед» Рубен Аморимга қизиқаётгани ва 39 ёшли мутахассис учун 10 миллион евро товон пули тўлашга тайёрлиги айтилган.
Аморимнинг ўзи журналистлардан маълум бир ишонч ҳосил бўлмагунча кераксиз шовқин яратмасликни сўради.
«Манчестер Юнайтед» қизиқиш билдирмоқда. Лекин бу менинг танловим. Ҳамма нарса ҳал қилинмагунча, биз шовқин қилмаймиз. Айтадиган гапим йўқ. Мен ўзим хоҳлаган иш билан шуғулланаман - мен доим шундай қилганман», - дея Аморим сўзларини келтирмоқда "Record".
