“Барселона” ҳужумчиси Ферран Торрес кучли "Дана" тўфонидан кейин Валенсия аҳолисига мурожаат қилди.
“Халқим ва ватаним Валенсиянинг шундай ҳалокатга учраганини кўриб юрагим эзилади. Биламан, бу тасалли эмас, лекин шу ердан жабрланганлар ва уларнинг оила аъзоларига барча қўллаб-қувватлаш ва далдаларимни етказмоқчиман. Валенсия кучли бўлинг", - деди Торрес ижтимоий тармоқдаги саҳифасида.
Валенсия провинциясида айни дамда довул туфайли ўнлаб одамлар ҳалок бўлди. Маҳаллий ҳукумат мотам эълон қилди ва шу сабабли 2 ноябрь, шанба куни бўлиб ўтиши керак бўлган "Валенсия" - "Реал Мадрид" учрашуви қолдирилиши мумкин.
