"Барселона" раҳбарияти молиявий қийинчиликлар туфайли ярим ҳимоячи Дани Ольмони жорий мавсумнинг иккинчи қисмигача рўйхатдан ўтказа олмаслигидан қўрқмоқда. Бу ҳақда Sport.es хабар бермоқда.
Манбага кўра, "кўк-анорранглилар"нинг аҳволи Nike билан ҳомийлик шартномасидаги пулни кутилганидан кечроқ олиши билан мураккаблашган.
Қолаверса, клуб шу ойда жамоа ҳимоячиси Андреас Кристенсен жароҳатидан тузалиб кетишини кутмоқда, кейин эса уни рўйхатдан ўтказиш вазифаси ҳам "Барселона" зиммасига тушади.
Таъкидланишича, айни дамда Каталония клуби номи кўрсатилган икки футболчидан фақат биттасини рўйхатдан ўтказиш имкониятига эга.
