"Манчестер Юнайтед"нинг бўлажак бош мураббийи Рубен Аморим Лиссабоннинг "Спортинг" клубидан бирданига уч нафар футболчини янги клубига жалб қилиши мумкин.
Португалиялик мутахассис яқин орада "шерлар"ни "қизил иблислар"га алмаштиради - клублар келишув тафсилотлари бўйича келишиб олишди. TEAMtalk хабарига кўра, Педру Гонсалвеш, Гонсалу Инасиу ва Маркус Эдвардс Аморим орқасидан "Манчестер Юнайтед"га ўтиши мумкин. Учаласи ҳам 39 ёшли мураббий бошчилигида Лиссабон жамоасида муваффақиятга эришган.
26 ёшли вингер Гонсалвешнинг Transfermarkt порталидаги нархи 32 миллион еврони ташкил қилади. Ҳужум қанотида ҳам ўйнайдиган 25 ёшли Эдвардсни сайт 18 миллионга, 23 ёшли марказий ҳимоячи Инасиуни эса 45 миллионга баҳолаган.
