"Милан" ҳужумчиси Рафаэль Леау яқин орада жамоани тарк этиши кутилмаяпти.
Охирги учта ўйиннинг иккитасида португалиялик "россонерилар"нинг асосий таркибига киритилмади, шу боис матбуот яна футболчининг кетиши мумкинлиги ҳақида гапира бошлади.
Журналист Экрем Конурнинг сўзларига кўра, "Милан" ҳали ҳам Леауни дахлсиз деб ҳисоблайди ва у қишки трансфер ойнасида жамоани тарк этмаслигига ишончи комил. Форварднинг ўзи ҳам лойиҳага содиқ ва вазиятни ўзгартириш ниятида эмас.
Рафаэл Леауга "Барселона" қизиқиш билдирмоқда. 25 ёшли футболчининг қиймати Transfermarkt экспертлари томонидан 75 миллион еврога баҳоланган ва унинг "Милан" билан шартномаси 2028 йилгача мўлжалланган.
