«Интер Майами» футболчиси Лионель Месси АҚШга кўчиб ўтганидан кейин нималардан ҳайратга тушгани ҳақида гапирди. Форвард 2023 йилнинг ёзида эркин агент сифатида ҳозирги жамоасига ўтди, аввалроқ у «ПСЖ» билан хайрлашган эди.
«Бу ерда жуда кўп иштиёқ бор, бу мен учун кутилмаган бўлди. Мен бу ерда баскетбол, бейсбол ва америка футболи қанчалик машҳурлигини билардим, лекин оддий футболга бундай муносабат ҳақида ҳеч қачон эшитмаганман, шунинг учун мен жуда ҳайрон бўлдим.
МЛС - рақобатбардош лига. Ҳар бир жамоа ўз уйида кучли, шунинг учун меҳмонда ўйнаш осон эмас», - деди 37 ёшли аргентиналик футболчи.
