Мадриднинг “Реал” клуби туркиялик ярим ҳимоячи Арда Гюлер борасида бир қарорга келди. Бу ҳақда The Athletic журналистлари хабар бермоқда. Манбага кўра, "қироллик" клуби ярим ҳимоячини майдонда кўпроқ ўйин вақтини ўтказишга лойиқ деб ҳисобламоқда.

"Лос Бланкос" Гюлерни бошқа клубга қўйиб юбормоқчи эмас. Футболчининг ўзи ҳам "Реал"да қолиб, бу ерда муваффақиятга эришмоқчи.

Аввалроқ матбуотда ярим ҳимоячининг "Ливерпул"га ўтиши мумкинлиги ҳақида хабарлар тарқалган эди. Мерсисайдликлар футболчи учун 70 миллион евро таклиф қилишга тайёр экани айтилмоқда.