Бразилия терма жамоаси устози Доривал Жуниор "Олтин тўп" учун ўтказилган овоз бериш натижаларига изоҳ берди. Нуфузли соврин соҳиби испаниялик ярим ҳимоячи Родри Эрнандес бўлди.
"Менимча, натижалар адолатсиз, чунки бу индивидуал мукофот. Мен Родрига қарши эмасман, у испаниялик энг яхши футболчилардан бири. Аммо Винисиусга унинг қилган ишлари учун алоҳида эътибор бериш керак эди. Бразилия халқи Жуниорга нисбатан адолатсизликни ҳис қилди. У бу совринга лойиқ", - дейди мутахассис.
Эслатиб ўтамиз, "Олтин тўп" учун овоз бериш натижаларига кўра, "Реал" ҳужумчиси Винисиус Жуниор иккинчи ўринни эгаллади.
