«Барселона» бош мураббийи Ханс-Дитер Флик «Эспаньол»га қарши ўтказилган ўйиндаги (3:1) ғалаба ҳақидаги фикрларини билдирди.
«Дерби доимо мураккаб бўлади. Биринчи таймда биз аъло даражада ўйин кўрсатдик, танаффусдан сўнг эса одатдагидек ўйнамадик. Жамоамиз тез-тез тўпни йўқотиб қўярди - бу «Эспаньол»нинг гол уришга эришган сабабларидан бири. Биз бу устида ишлашимиз керак.
Мен ўйинчиларга бундай иккинчи таймни қабул қилишга тайёрлигимни айтдим, чунки улар шу пайтгача аъло даражада ҳаракат қилишган эди. Аммо чоршанба куни биз янада яхшироқ ўйнашимиз лозим», - дея Фликнинг сўзларини келтиради "Barca Universal".
